Google ADS

Tashmë zyrtare, Schalke prish kontratën me Gazprom

14:23 | 28 Shkurt 2022
Lorik Gerbeshi

Pas ndërhyrjes ushtarake të Rusisë në Ukrainë, Schalke 04 ishte nga të parët që mbajtën një qëndrim. Klubi gjerman largoi nga fanella logon e sponsorit të tyre zyrtare, GAZPROM, që ishte një kompani ruse.

Ndërkohë që tashmë nëpërmjet një komunikate zyrtare për shtyp Schalke e bëri edhe zyrtari prishjen e kontratës me gjigantin rus.

“Bordi i drejtorëve të FC Schalke 04 ka vendosur të përfundojë para kohe partneritetin midis S04 dhe GAZPROM. Bordi drejtues dhe bordi mbikëqyrës janë në bisedime me përfaqësuesit e sponsorit kryesor aktual dhe informacione të mëtejshme do të bëhen të ditura në kohën e duhur”, thuhet në njoftimin për media.

Lufta në Ukrainë ka tërhequr vëmendjen e madhe edhe të botës së sportit ku bashkë me Schalken edhe skuderia amerikane në Formula 1, Haas ka larguar nga makina e saj të gjithë sponsorët rusë.

Shpërndaje në rrjete sociale

Lajmet më të lexuara

Të ngjashme

Foto lajm